التمليح
هنتكلم باستفاضه
🌹🐦🐤🐦🐥🌹
موضوع مزعج
خصوصا لمربى الروز والكوكتيل
٣ حلات
الاول الانثى ودة الشائع فالروز بتكون مملحه🐤
التانى ونادرا الدكر 🐦
الحاله الاصعب القص الاتنين بيملحوا من بعض
🐦🐦🐦🐦
الاول الانثى
ودة الشائع خصوصا الروز لأنها بتهتم بالزغليل اكتر من الذكر
بنخليها لحد الفطام وتساعد بالاكل الطرى والأملاح وبعد الفطام الريش بيرجع
🐤🐤🐤🐤
الدكر
ودة شائع فالكوكتيل البيملح ممكن تعزله وترجعه كل يوم ساعتين وبعد كدة تعزله
وتساعد الانثى بالاكل الطرى
🐦🐤🐦🐤
القص بيملح
هتطر تسيبه معهم عمر شهر وبعد كدة تقفل باب العش على الزغليل او تجيب قفص بعش سلك وكدة بعدت الزغليل عن القص وهيتم تاكيل الزغليل من بين السلك
الاكل
الحبوب
٢كيلو فلارس كيلو بلكم نص ذنيبه شرط تكون نضيفه مش نضيفه غربلها بمنخل لأنها مصدر الأملاح وربع كيلو علف بادى من مصدر موثوق و معلقه كبيرة ملح خشن واخلطهم وقدم منهم دة اساسى كل يوم
الاكل الطرى
بيض مهروس ملعقتين دشيشه ناعمه ومعلقه شوفان كبيرة معلقه كروكم ومعلقه زعتر ونص معلقه سمسم كدة وجبه متكامله معلقه كبيرة لكل قص مرتين فالاسبوع
نص كيلو قمح منبت طبعا افضل لتضاعف القيمه الغذائيه معلقه كبيرة فالاسبوع
اكل سريع كله تغذيه
انقع ربع كيلو ذرة عويجه من بليل والصبح حله على النار ويتم السلق ساعه وبعد الساعه تذود نص كيلو قمح سريع وربع كيلو خليط عدس بجبه على لوبيا نضيفهم وكله بالتدريج لان كل نوع ليه وقت فالتسويه ساعه وتطفى وصفى كله وناخد المياة تبرد حطهم فالمشارب
ويبرد تاخد معلقه كبيرة لكل قص مرتين فالاسبوع والباقى فالتلاجه
المياة
مرتين فالاسبوع قسط هندى مصدر موثوق فى لان لو مغشوش ملوش اى فايدة
والافضل تجيبه عيدان وتغسله وتنقعه نص ساعه وابشرة ومياة النقع اسقى القص
وناخد من المبشور او الناعم معلقه كبيرة على لتر مياة ساخن يبرد واسقى القص والزغليل
يوم مياة حلوة
يومين فالاسبوع كيس أملاح هيدروسيف ولتر مياة واسقى العصافير كلها مرتين فالاسبوع
ويوم فالاسبوع
معلقه البافيت (فيتامين د وكالسيوم )
مرة واحدة فالاسبوع
قطعه خميرة بلدى من الفرن مقدار اسم فالمسقه طازجه افضل نوع طبعا
مش متوفر
قرص خميرة فالمسقه يوم فالاسبوع
او نص معلقه صغيرة خميرة بودر فالمسقه
أحماض أمنيه وتغذيه
طريقه التقديم
الخميرة اى كان نوعها فى معلقه مياة ومعلقه عسل اسود وادعكهم لحد ماتدوب كدة بنشط الخميرة وطلعت البكتريا النافعه وتذود لتر مياة دافيه وبعد نص ساعة تقدمه العصافير وخصوصا لو فى زغليل
خلطه التحديق
قطعه فحم وطوبه حمرة قديمه و معلقه كبيرة جير مطفى وشويه رمله وياريت رمله من البحر وانت بصيف مش متوفر رمله عاديه وبواقى السيبيا ومعلقه ملح خشن واطحنهم كله فالهون وباستمرار طبق فخار وتحط ملعقتين للقص والزغليل ياخد احتياجهم منه
بعد الفطام تقفل العش شهرين على الأقل وتعمل نفس النظام تعوض القص وبعد كدة افتح العش وربنا يباركلك فيهم
كدة عملت قدر استطاعتك بالعلاج
لو سلوك
واتكرر تانى يبقى لازم تبدل القصوص علشان يغيروا العادة السيئة دى
يارب اكون قدرت ألم كل الموضوع
بارك الله فيكم ومن يتقى الله يجعل له مخرجا
لازم تراعى طيرك وتتقى الله فى
كدة ظبطت الدنيا وعملت العليك
ربنا يبارك للجميع
تعليقات
إرسال تعليق