🌹🌹🌹🌹🌹🌹🌹
ليه الرينبو يعتبر تركيبه ولا يصح ان يطلق عليه كلمه طفره ..
#لازم_نفهم
اولا : الطفره هي تغيير كميائي او فيزيقي في الجينات تؤدي للتغيير في بعض الخصائص مثل توزيع الصبغات وشكل الريش ..
ثانيا الرينبو : الرينبو استغلال ٤ طفرات واظهارهم علي طائر واحد ودا بيظهر شكل نهائي جميل للطائر دون اي تغيير في خصائصه الجينيه " حسن اختيار الزيجات لإظهار جمال الطير ودا من اهم خصائص المربي المحترف "
امال كلمه رينبو دي جت منين . الاسم دا مكنش موجود قبل ظهوره ؟؟
الرينبو اسم اطلق علي الطائر بسبب تدرجات الالوان اللي اتسبب فيها تجميع ال ٤ طفرات وكل طفره اظهرت خصائصها
. او بأختصار كلمه رينبو كلمه تشبيهيه او لقب يدل علي تدرجات الالوان الشبيهه بقوس قذح .. والحقيقه ان الرينبو تصنيف " كلير وينج اوبالين ازرق جولدن او يلوفيس "
يعني الرينبو ناتج من استغلال ٤ طفرات موجودين بالفعل فقط تم تجميعهم لإظهار شكل جمالي خارجي دون اي تغيير في التركيب الجيني واللي تم كالاتي
الكلير وينج : مسح علامات الجناح ودا ساعد علي ظهور اللون والتدريجات بدون فواصل سوده في الريش
الاوبالين : نقل لون جسم الطائر للجناحين ومسح خطوط الرأس والرقبه
اللون الأزرق : لون قابل للأندماج واظهارد درجات الوان مختلفه
الجولدن : لون يندمج مع الازرق ويعطي تدريجات للالوان علي حسب قوته وانتشاره واندماجه مع الأزرق
طب ليه اللاسوينج مع انه نفس الفكره اندماج طفراين السينامون والأينو وبالرغم من كده تم تسميته كطفره ؟؟؟
تم الإعتراف باللاسوينج كطفره لأن السينامون والاينو اتجمعو في احد عمليات الكروس اوفر واصبحو متواجدين علي نفس الكروموسوم ... والصفتين لهم نفس الاليه في الانتقال لأنهم من الصفات المرتبطه بالجنس وبسبب انهم علي نفس الكروموسوم ولهم نفس اليه الانتقال فبكده في كل تزاوج هيتم انتقالهم مع بعض وفكره انفصالهم الي حد ما صعبه .. يعني خلاص نقدر نقول انهم اصبحو ملتصقين علشان كده تم اطلاق كلمه طفره علي اللاسوينج
لكن في النهايه هو تركيبه وليس طفره واطلاق كلمه طفره عليه خطاء
طب ليه بقي الرينبو مش زي اللاسوينج ؟؟
لأن الرينبو مجموعه صفات مختلفه في اليه الانتقال يوجد صفات سائده زي الجولدن ومتنحيه زي الكلير والازرق ومرتبط بالجنس زي الأوبالين ومن المؤكد ان الطفرات دي سهله الانفصال .
الموضوع يتقال فيه كلام كتير وكلام علمي بحت كمان بس الهدف ليس الدراسه الأكاديميه . هدفنا توظيف العلم لخدمه هوايتنا وتبيسطه
تعليقات
إرسال تعليق